Համատիրությունները սրբազան պատերազմ կհայտարարեն իմ դեմ. Նաիրա Զոհրաբյան (տեսանյութ)
Աջակցիր «Ա1+»-ինԱԺ ԲՀԿ խմբակցության պատգամավոր Նաիրա Զոհրաբյանը դժգոհ է համատիրությունների աշխատանքից:
«Ես պարտաճանաչ հարկատու եմ, տարին դեռ չսկսած՝ ամբողջ տարվա համար վճարում եմ համատիրությունում, բայց չեմ ստանում էն ծառայությունը, որ պիտի ստանամ:Ես ապրում եմ Երևանի ամենակենտրոնում, և նույնիսկ այդ ամենակենտրոնում համատիրությունը չի կատարում իր պարտականությունը»:
Իրավիճակից ելք գտնելու համար պատգամավորը պատրաստ է մշակել օրենքի նոր նախագիծ՝ համատիրությունների մոդելը փոխելուն ուղղված.
«Ես հասկանում եմ, որ համատիրությունները հիմա սրբազան պատերազմ կհայտարարեն իմ դեմ և կասեն՝ ինչ է եղել, 60 հազար աշխատավարձ ենք ստանում, էդ էլ եք ուզում փակել: Ես չեմ ասում՝ բնաջնջենք իրենց, բացարձակ, ինչ-որ ցեղասպանություն անենք համատիրությունների։ Բայց առաջարկում եմ փոխել համատիրությունների ամբողջ համակարգային կոնցեպտը»,- նշում է Նաիրա Զոհրաբյանը:
