Կորոնավիրուսի ցուցանիշները զրոյացնելու համար անհրաժեշտ է կիրառել երեք պարզ կանոն․ Նիկոլ Փաշինյան (տեսանյութ)
Աջակցիր «Ա1+»-ինԿառավարության նիստի ժամանակ վարչապետ Նիկոլ Փաշինյանն ասաց, որ նոր կորոնավիրուսի համաճարակի հետ կապված`Հանրապետությունում ստեղծվել է բավականին ծանր իրավիճակ։
«Եվ մենք, ըստ էության, գործ ունենք վարակի երկրորդ ալիքի հետ»։
Պարետատունը, ըստ նրա, հաստատել է ոլորտային կանոններ, և խնդիր է դրվել, որ այդ ոլորտային կանոններից դուրս բերվի համընդհանուր կանոն։
Փաշինյանի խոսքերով՝ եկել են այն եզրակացության, որ կորոնավիրուսի ցուցանիշները զրոյացնելու համար անհրաժեշտ է կիրառել երեք պարզ կանոն․
«Առաջինը՝ կրել դիմակը, երկրորդը՝ պարբերաբար ախտահանել կամ լվանալ ձեռքերը և երրորդը՝ պահպանել սոցիալական հեռավորություն։ Եվ հետևաբար, մեր գործիքակազմի մեջ այսօր կորոնավիրուսի դեմ պայքարի հիմնական խնդիրը մնում է այս կաննների պահպանումը և մեծ հաշվով հանրային վարքագծի փոփոխությունը»։
Բացի այդ, կառավարության ղեկավարը նշեց, որ երկու մեթոդ է կիրառվելու համավարակի դեմ պայքարում՝ ոլորտների համար սահմանված կանոնների պահպանում և վարչական հարկադրանքի կիրառում։
Մանրամասները՝ տեսանյութում
