Արցախի հետ ռազմական, քաղաքական դաշինք կնքելու նախադրյալները կան. Վահե Էնֆիաջյան (տեսանյութ)
Աջակցիր «Ա1+»-ին«Մենք շատ լավ գիտակցում ենք, որ մեր բանակի հոգին շատ բարձր է, ռազմատեխնիկայի և սպառազինության խնդիր չունենք և կարող ենք պարտադրել գործողություններ, բայց մենք նաև գիտակցում ենք, որ ի վերջո խնդրի լուծումը պետք է լինի սեղանի շուրջ քննարկման արդյունքում»,-այս մասին ԱԺ-ում ճեպազրույցների ժամին հայտարարեց ՀՀ ԱԺ ԲՀԿ պատգամավոր Վահե Էնֆիաջյանը՝ հավելելով, որ տարիներ շարունակ Արցախի ժողովուրդը պայքարել է ազատության, պետականության և ապրելու իրավունք համար, ու ի վերջո դրանք պետք է ճանաչվեն նաև միջազգային հանրության կողմից։
Ինչ վերաբերում է Արցախի անկախության ճանաչման հնարավորությանը, փոխխոսնակն ասում է՝ դա զենք է մեր զինանոցում, որին մեր երկիրը դեռ չի գնում, բայց նախադրյալներ կան ռազմական, քաղաքական հուշագիր ստորագրելու։
Պատգամավորը տեղեկացրեց նաև, որ օրեր շարունակ եղել են Արցախում, վստահեցրեց՝ հումանիտար առումով մեծածավալ աշխատանք է իրականացում, իսկ այսօր թիկունքում սպառազինության հետ կապված որևէ խնդիր չի եղել և չկա։ Էնֆիաջյանը հավելեց նաև, որ իրենց խմբակցության պատգամավոր Հրանտ Մադաթյանը այս պահին գտնվում է խրամատում։
