Չեմ ափսոսում Ռոնալդուին մեկնարկային կազմում չընդգրկելու համար. Պորտուգալիայի մարզիչ
Աջակցիր «Ա1+»-ինՊորտուգալիայի ֆուտբոլի հավաքականի գլխավոր մարզիչ Ֆերնանդու Սանթուշը բացատրել է, թե ինչո՞ւ հարձակվող Քրիշտիանու Ռոնալդուին 2022 թվականի աշխարհի առաջնության քառորդ եզրափակիչ Մարոկոյի դեմ խաղում չի ընդգրկել մեկնարկային կազմում:
«Չեմ ափսոսում, որ Ռոնալդուին չեմ ընդգրկել մեկնարկային կազմում: Թիմը շատ լավ էր խաղացել Շվեյցարիայի դեմ: Կրիշտիանուն հիանալի ֆուտբոլիստ է, մենք նրան խաղադաշտ ենք հանում, երբ դա անհրաժեշտ է լինում։ Ես ոչնչի համար չեմ ափսոսում», - պորտուգալացիների գլխավոր մարզչի խոսքերը մեջբերել է Sky Sports կայքը։
Քրիշտիանու Ռոնալդուն խաղադաշտ է մտել 51-րդ րոպեին, սակայն չի կարողացել օգնել իր թիմին խույս տալու պարտությունից՝ 0:1։ Խաղի ավարտից հետո նա հանդերձարան է հեռացել արցունքներն աչքերում, քանի որ նրան այդպես էլ չի հաջողվել աշխարկի հինգ առաջնություններում նվաճել որևէ մեդալ:
