Մոսկվայի բորսան հունիսի 13-ից դադարեցրեց եվրոյի և դոլարի գործարքները․ Ազատություն
Աջակցիր «Ա1+»-ինՄոսկվայի բորսան հայտարարել է, որ հունիսի 13-ից դադարեցնում է եվրոյի և ամերիկյան դոլարի առք-վաճառքը։
Սա հետևում է ԱՄՆ-ի ֆինանսների նախարարության սահմանած նոր պատժամիջոցներին, որի ցանկում ընդգրկվել են նաև Մոսկվայի բորսան և ռուսական ևս մի քանի ֆինանսական հաստատություններ, որոնք Ռուսաստանի արտարժույթի շուկայում դոլարային գործարքներում միջնորդական դերակատարություն ունեին։
Նախօրեին պատժամիջոցների հայտարարությանը անմիջապես հետևեց ռուսական ռուբլու սարսափելի անկումը, օգտվելով իրավիճակից, որոշ բանկեում մեկ դոլարի արժեքը թռավ մինչև 200 ռուբլի, չնայած մինչ պատժամիջոցների հայտարարությունը ՌԴ կենտրոնական բանկը մեկ դոլարի փոխարժեքը սահմանել էր 89 ռուբլի։
Ամերիկյան պատժամիջոցների հիմնական հետևանքները ազդեցություն կունենան ռուսական ֆինանսական հաստատությունների վրա, որոնք զրկվում են արտարժույթի փոխանակման կուրսի սահմանման հուսալի և անվտանգ գործիքակազմից։
Ռուսաստանի ֆինանսական ենթակառուցվածքում Մոսկվայի բորսան կարևոր նշանակություն ունի, այնտեղ են բանկերը, գործարար և ներդրումային ընկերությունները արտարժույթի՝ եվրոյի, դոլարի, չինական յուանի առք ու վաճառք կատարում, և դրա հիման վրա օրվա առաջին կեսին որոշվում է ռուբլու կուրսը, որով արդեն բանկերը արտարժույթային գործարքներ են կատարում։
Ամերիկյան նոր պատժամիջոցները գործնականում խարխլում են այդ մեխանիզմը։ Կենտրոնական բանկը ռուբլու կուրսը արդեն որոշելու է ոչ թե բորսայի, այլ դրանից դուրս գործող ֆոնդերի տվյալներով։ Նման պարագայում ռուբլու կուրսի որոշումը թափանցիկ չի լինի, հնարավոր են նաև կուրսի տատանումներ։
Նյութի շարունակությունը՝ այստեղ
