Համաշխարհային բալետային պրեմիերա հայ արվեստագետների կողմից Մոսկվայում և Սանկտ-Պետերբուրգում
Աջակցիր «Ա1+»-ինՄոսկվայում և Սանկտ-Պետերբուրգում տեղի է ունեցել ռեժիսոր-խորեոգրաֆ Ռիմա Պիպոյանի բեմադրությամբ և կոմպոզիտոր Սերգեյ Ումրոյանի երաժշտությամբ «Իկոնա» բալետային ներկայացման համաշխարհային պրեմիերան։ Բալետի զգեստների հեղինակը բելգիաբնակ Իրինա Շապոշնիկովան է, իսկ ներկայացման կազմակերպիչները և արտիսները՝ Դիանա Վիշնյովա կոնտեքստի ներկայացուցիչները։
Բալետ բեմադրելու հրավերը Ռիմա Պիպոյանը ստացել էր դեռ 2023-ին, աշխատանքները ներկայացման վրա սկսվել են 2024-ի օգոստոսից և, ընդհատումներով՝ 5 շաբաթվա ընթացքում բեմադրվել։ Սերգեյ Ումրոյանը երաժշտական նյութը ստեղծելու համար աշխատել է ավելի քան կես տարի։
«Իկոնա» բալետի առաջնախաղերը Մոսկվայում փայլուն են անցել՝ ստանալով հանդիսատեսի, արվեստագետների և քննադատների բարձր գնահատանքին։
Ռիմա Պիպոյանը, ով համարվում է Հայաստանում ժամանակակից պարի առաջատարներից մեկը, նշել է․ «Շնորհակալ եմ մասնագիտական թիմին՝ մեծ վստահության, նվիրված ու պրոֆեսիոնալ աշխատանքի համար։ Սա մեծ ձեռքբերում է՝ ոչ միայն մեզ, այլև հայկական ժամանակակից արվեստի համար»։
Կոմպոզիտոր Սերգեյ Ումրոյանը հավելել է.«Անչափ հաճելի է լսել բարձրակարգ մասնագետների դրական կարծիքները։ Այս բալետի ստեղծումը երկարատև և պատասխանատու գործընթաց էր, և ուրախ եմ, որ այն մեծ արձագանք գտավ»։
«Իկոնա» բալետը Մոսկվայում հանդիսատեսը կարող է կրկին վայելել բալետը ապրիլի 14-ին ու 15-ին։
