Բացել լրահոսը Փակել լրահոսը
1E109095-AC18-4124-BE8E-2F98920A77FE_w1597_n_r1_s_s
A A
Քաղաքականություն

Անօդաչուներով հարվածներ Նախիջևանին. Ադրբեջանը Թեհրանից պարզաբանում է պահանջում․ Իրանը պնդում է՝ ինքը չէ

Իրանից թռչող հրթիռներ և անօդաչու թռչող սարքեր են հարվածել ադրբեջանական Նախիջևանի օդանավակայանին, Reuters-ին հայտնել է Ադրբեջանի կառավարությանը մոտ կանգնած աղբյուրը։ Նրա խոսքով՝ միջադեպը հրդեհի պատճառ է դարձել։

Աղբյուրի տրամադրած տեսանյութում երևում է, թե ինչպես է սև ծուխ բարձրանում Նախիջևանի միջազգային օդանավակայանի տերմինալից, որը գտնվում է Իրանի սահմանից մոտ 10 կիլոմետր հեռավորության վրա։ Հարվածի մասին հայտնում են նաև ադրբեջանական ԶԼՄ-ները։ Իրանը դեռևս չի մեկնաբանել հաղորդումները։

Ադրբեջանի ԱԳՆ-ն հայտարարել է, որ մեկ անօդաչու թռչող սարք ընկել է օդանավակայանի տերմինալի շենքի վրա, իսկ մյուսը՝ Շեքարաբադ գյուղի դպրոցի մոտ։ Նշվում է, որ վնասվել է օդանավակայանի շենքը, վիրավորվել են երկու քաղաքացիական անձ։

Բաքուն հայտարարել է, որ այս հարձակումը հակասում է միջազգային իրավունքի նորմերին և նպաստում է տարածաշրջանում լարվածության աճին։

Ադրբեջանը Թեհրանից պարզաբանում է պահանջում․ Իրանի դեսպանն արդեն հրավիրվել է Ադրբեջանի ԱԳՆ։

Ազատություն ռ/կ

 

Իրանի Զինված ուժերի գլխավոր շտաբը հայտարությունը

 Իրանի Իսլամական Հանրապետությունը, հարգելով բոլոր երկրների, հատկապես՝ մուսուլմանական և հարևան պետությունների ինքնիշխանությունը, հերքում է զինված ուժերի կողմից դեպի Ադրբեջան անօդաչու թռչող սարքի արձակման վերաբերյալ ցանկացած հաղորդում։