«Մելիքի հանքը շահագործվում է ապօրինի»
Արագածոտնի մարզի Մելիք գյուղում գտնվող Թուխ Մանուկ հանքը արդեն 5 տարի է «Գլոբալ գոլդ Մայնինգ» ընկերության կողմից շագահործվում է ապօրինի։ Այսօր լրագրողների հետ հանդիպման ժամանակ նշեց «Էկոլոգիական ակադեմիա» ՀԿ նախագահ Գրետա Գաբրիելյանը։
Նրա խոսքերով՝ հանքի բաց շահագործման թույլտվությունը տրվել է 2006 թ-ին երկու տարի ժամկետով, սակայն ինչ-ինչ պատճառներով Էներգետիկայի նախարար Արմեն Մարտիրոսյանը եւս 2 տարով ավելացրել է բաց շահագործման թույլտվություն։ Սակաւյն այդ ժամկետն էլ է լրացել։
Բնապահպան Սիլվա Ադամյանը չի կասկածում, որ այստեղ շատ մեծ են կոռուպցիոն ռիսկերը։
Իրավաբան Ռուզաննա Ղազարյանն էլ ավելացրեց, որ «Գլոբալ գոլդ Մայնինգ» ընկերությում ներդրումներ է արել նաեւ ամերիկյան կողմը, սակայն գումարները տեղին չեն ծախսվել։
Ըստ նրա՝ «Գլոբալ գոլդ»-ի հայաստանյան մասնաճյուղի տնօրեն Աշոտ Պողոսյանի նկատմամբ քրեական գործ է հարուցվել, եւ այժմ սպասում են գործի հետագա ընթացքին։
