Հրդեհ Իջևան քաղաքում
Հունիսի 3-ին, ժամը 03.10-ին Տավուշի մարզի Իջևան քաղաքի Նար-Դոսի փողոցի թիվ 2 տան մոտակայքում այրվում է ավտոմեքենա:
Դեպքի վայր է մեկնել մեկ մարտական հաշվարկ:
Հրդեհը մարվել է տեղի ուժերով: Ամբողջությամբ այրվել է Ա. Փշոյանին պատկանող «ՈՒԱԶ» մակնիշի ՏՏ347 պետհամարանիշով ավտոմեքենայի բրեզենտե ծածկը:
Հրդեհ շենքի տանիքում
Հունիսի 3-ին, ժամը 01.36-ին ահազանգ է ստացվել, որ հրդեհ է բռնկվել Երևանի Ա. Բաբաջանյան փողոցի թիվ 79 շենքի տանիքում:
Դեպքի վայր է մեկնել չորս մարտական հաշվարկ, ավտոսանդուղք և ՃԿԿ ԱԻ արձագանքման խումբը:
Հրդեհը մեկուսացվել է ժամը 03.02-ին, մարվել` 03.25-ին:
Շենքի տանիքում այրվել է մոտ 200 քմ մակերեսով ձեղնահարկ և ներսում կուտակված շինարարական աղբ:
ՃՏՊ Գյումրի քաղաքում
Հունիսի 2-ին, ժամը 20.20-ին տեղեկություն է ստացվել, որ Շիրակի մարզի Գյումրի քաղաքի Բուլվարային թաղամասի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքերում Գյումրի քաղաքի նախկին ռադիոգործարանի մոտակայքում «ԲՄՎ» մակնիշի 34 VV 060 պետհամարանիշով ավտոմեքենան դուրս է եկել ճանապարհի երթևեկելի հատվածից և շրջվել:
Մինչ հրշեջ-փրկարարների կանչի վայր հասնելը՝ Գյումրի քաղաքի ՌԴ թիվ N ռազմաբազայի շտաբի զինծառայող, ավագ լեյտենանտ, ՌԴ քաղաքացի՝ 1986 թ. ծնված Ա. Ատավինը (տարբեր աստիճանի մարմնական վնասվածքներով) Գյումրի քաղաքի բժշկական կենտրոն հոսպիտալացման ճանապարհին մահացել է:
Ավտոմեքենան դուրս է բերվել ցեխակույտից
Հունիսի 2-ին, ժամը 20.17-ին ահազանգ է ստացվել, որ Գեղարքունիքի մարզի Սևան քաղաքի Ախթամար կղզու մոտակայքում ավտոմեքենա է արգելափակվել ցեխակույտի մեջ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Հրշեջ-փրկարարները երթևեկելի հատված են դուրս բերել Ք. Մանուկյանին պատկանող «Կիա» մակնիշի 88 ZT 188 պետհամարանիշով ավտոմեքենան:
ՃՏՊ Վեդի-Սիսավան ավտոճանապարհին
Հունիսի 2-ին, ժամը 18.16-ին ահազանգ է ստացվել, որ Վեդի-Սիսավան ավտոճանապարհին տեղի է ունեցել ՃՏՊ, կա տուժած. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «Միցուբիշի Պաջերո» մակնիշի 14 ՏՍ 024 պետհամարանիշով ավտոմեքենան դուրս է եկել ճանապարհի երթևեկելի հատվածից և շրջվել Արտաշատի ջրանցքը:
Մինչ հրշեջ-փրկարարների կանչի վայր հասնելը՝ վարորդ՝ 1965 թ. ծնված Ա. Խաչատրյանը տարբեր աստիճանի մարմնական վնասվածքներով տեղափոխվել է Վեդի քաղաքի բժշկական կենտրոն, այնուհետև Երևանի «էրեբունի» բժշկական կենտրոն:
Հրշեջ-փրկարարները ոստիկանության աշխատակիցների հետ համատեղ հատուկ տեխնիկայով ավտոմեքենան դուրս են բերել ջրանցքից:
Բժիշկները տուժածի առողջական վիճակը գնահատել են կայուն ծանր:
ԱԻՆ ամփոփագրից
