Որ երեխաներն իրենց բնության մաս համարեն
Շրջակա միջավայրի պաշտպանության օրվա կապակցությամբ այսօր Երևանի Մանկական զբոսայգում «Հայաստանի պատանեկան նվաճումներ» կազմակերպությունը անցկացրեց «Պաշտպանենք շրջակա միջավայրը» միջոցառումը։
Միջոցառմանը մասնակցում էին Հայաստանի մարզերից և Երևանից ավելի քան 110 աշակերտներ։
Կազմակերպվել էին բազմաթիվ խաղեր, մրցույթներ և ցուցահանդեսներ, որտեղ երեխաները ցուցադրում էին թափոններից ստացած տարբեր հետաքրքրիր ստեղծագործական նմուշներ։
«Հայաստանի պատանեկան նվաճումներ» կազմակերպության նախագահ Արմենուհի Հովհաննիսյանը կարևորում է նման միջոցառումների անցկացումը։
«Մենք այսպես նպաստում ենք,որպեսզի երեխաները իրենց զգան բնության մասնիկը և սիրեն իրենց շրջապատող միաջավայրը»,- նկատեց տիկին Հովհաննիսյանը:
Կազմակերպիչները խոստանում են նմանատիպ միջոցառումներին այսուհետ տալ մշտական բնույթ:
