Գազի գնի շուրջ քննարկում եւ ակցիա (տեսանյութ)
Մինչ Հանրային ծառայությունները կարգավորող հանձնաժողովը նիստ է անցկացնում գազի և էլեկտրաէներգիայի սակագնի վերաբերյալ, շենքի դիմաց «Եկեք կասեցնենք գազի սակագնի բարձրացումը» նախաձեռնության մոտ 20 անդամներ բողոքի ակցիա են իրականացնում։
Նրանք պահանջում են, որ հանձնաժողովի նախագահը և ներկայացուցիչները թույլ տան ներս մտնել, որպեսզի նրանք ևս մասնակցեն նիստին:
Բողոքի ակցիայի մասնակիցներն իրենց հետ բերել են նաև «ГАЗПРОМ, вон из Армении», «Ապահով Հայաստանում գազը թանկացնում եք, որ ի՞նչ անեք», « Ինչքան ուզենք, այնքան կվճարենք» բովանդակությամբ պաստառներ:
Նախաձեռնության անդամ Սիլվա Ադամյանը «Ա1+»,- ին հայտնեց, որ իրենք նախապես 300 դիմում են ներկայացրել հանձնաժողովին, որպեսզի ներկա գտնվեն այսօրվա նիստին, սակայն ոչ մի պատճառաբանություն չեն ստացել հանձնաժողովից, թե ինչու թույլ չեն տալիս ներկա գտնվել: Սիլվա Ադամյանը նաև նշեց, որ իրենք դիմել են Մարդու իրավունքների պաշտպանի գրասենյակ: Գրասենյակից երեք ներկայացուցիչ այս պահին ներում են:
Որոշ լրատվամիջոցների ներկայացուցիչների նույնպես թույլ չեն տալիս ներկա գտնվել նիստին` պատճառաբանելով, որ հավատարմագրված չեն:
Այս պահին բողոքի ակցիայի մասնակցիները որոշեցին երթով շարժվել Բաղրամյան 26` բողոքի ակցիան այնտեղ շարունակելու:
