Հավերը խեղդվել են
Հունիսի 11-ին, ժամը 16.30-ին ահազանգ է ստացվել, որ հորդառատ անձրևի հետևանքով վարարած առվի ջրերը լցվել են Ստե¬փանավանի Արմավիր թաղամասի թիվ 1 տանը կից անասնագոմ:
Դեպքի վայր է մեկնել մեկ մարտական հաշվարկ:
Պարզվել է, որ ջրահեղձվել է 15 հավ: Անասնագոմը չի վնասվել:
Հայտնաբերվել է օձ
Հունիսի 11-ին, ժամը 19.00-ին ահազանգ է ստացվել, որ Երևանի Անդրանիկի 84 շենքի մոտ օձ է նկատվել, որին որսալու համար անհրաժեշտ է փրկարարների օգնությունը:
Դեպքի վայր է մեկնել փրկարարական ջոկատը:
Հայտնաբերվել է մոտ 1 մ երկարությամբ օձ և տեղափոխվել անվտանգ տարածք:
Կարկուտը վնաս է հասցրել
Հունիսի 11-ին, ժամը 17.00-17.30-ը Արագածոտնի մարզի Ցամաքասար գյուղի տարածքում տեղացած կարկուտի հետևանքով վնասվել են ցանքատարածքներ և մշակովի այգիներ:
Վնասի չափը ճշտվում է:
Նշված տարածքները ՀՀ ԱԻՆ «ՄԵՎԱՆԾ» ՊՈԱԿ-ի կողմից չեն վերահսկվում:
Այս մասին հայտնում է ԱԻՆ-ը։
