Այրվել են խոտածածկ տարածքներ
Հուլիսի 25-ին ՀՀ ԱԻՆ ճգնաժամային կառավարման կենտրոնում ահազանգեր են ստացվել հանրապետության խոտածածկ տարածքներում բռնկված հրդեհների վերաբերյալ:
Մասնավորապես` Երևանի հեռուստաաշտարակի մոտ 2000 քմ և Կոտայքի մարզի Առինջ գյուղի գերեզմանատանն այրվել է 2000 քմ մակերեսով բուսածածկ տարածք:
Հրդեհները մեկուսացվել են, մարվել:
Այրվել է ցախանոց
Հուլիսի 26-ին, ժամը 01.01-ին ահազանգ է ստացվել, որ Կոտայքի մարզի Սոլակ գյուղում այրվում է անասնագոմ:
Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 01.21-ին, մարվել՝ 04.39-ին:
Ամբողջությամբ այրվել են Զ. Խաչատրյանին պատկանող ցախանոցը (18 քմ), վառելափայտ (15 խմ) և գոմաղբ (20 խմ):
Հրդեհ վագոն-տնակում
Հուլիսի 25-ին, ժամը 11.15-ին ահազանգ է ստացվել, որ Երևանի Քանաքեռի գերեզմանա¬տան մոտ այրվում է վագոն-տնակ և խոտածածկ տարածք:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 12.19-ին, մարվել՝ 12.51-ին:
Այրվել են վագոն-տնակի տանիքի փայտյա կառուցատարրերը, ներսի երեսպատումը (12 քմ) և 200 քմ մակերեսով խոտածածկ տարածք:
