ՔԿՎ-ն՝ Ժ. Սեֆիլյանի հետ կապված ահազանգի մասին
Երեկ «Հիմնադիր խորհրդարանը» հայտարարություն էր տարածել Ժիրայր Սեֆիլյանի խցում խուզարկություններ անցկացնելու, ինչպես նաև կալանքի պայմանների աննախադեպ խստացման վերաբերյալ: Հայտարարության մեջ ակնկալվում է նաև, որ քրեակատարողական հիմնարկի ղեկավարությունը «օր առաջ կվերդարձնի Ժ. Սեֆիլյանից ապօրինաբար առգրավված իրերը»: ՔԿՎ հանրային կապերի բաժինն այս առնչությամբ մեկնաբանություն է հրապարակել Վերոգրյալի կապակցությամբ հարկ ենք համարում պարզաբանել, որ հիշատակված պնդումներն իրականությանը չեն համապատասխանում, և Քրեակատարողական ծառայությունը գործում է բացառապես օրենքի շրջանակում : Տեղեկացնենք, որ քրեակատարողական հիմնարկի ներքին կանոնակարգի համաձայն`աշխատակիցները արգելված իրեր հայտնաբերելու նպատակով իրավունք ունեն կատարել խուզարկություններ, ինչը և պարբերաբար արվում է: Հավելենք նաև, որ քրեակատարողական հիմնարկի վարչակազմն իրավասու է խուզարկության արդյունքում հայտնաբերված իրերը կասկած հարուցելու դեպքում ուսումնասիրության նպատակով առգրավել, որոնք արգելված իրերի հատկանիշներ չպարունակելու դեպքում վերադարձվում են: ՀՀ ԱՆ ՔԿՎ հանրային կապերի բաժին
