Ամերիկահայը ոտքով կանցնի Բերձորից-Ստեփանակերտ ճանապարհը
Արցախպրես
Ամերիկահայ 68-ամյա Ջորջիկ Անջարգոլյանը մայիսի 12–14-ը Արցախում քայլարշավ է իրականացնելու, Բերձորից մինչև Ստեփանակերտ՝ 60 կմ երկարության ճանապարհն անցնելով ոտքով:
Աղբյուրի հետ զրույցում Ջորջիկ Անջարգոլյանը պատմել է, որ ամեն օր՝ առավոտյան ժամը 10:00-ին, սկսելու է իր քայլարշավը մինչև ժամը 16:00-ն, իսկ հաջորդ օրը շարունակելու է այն վայրից, որտեղ կանգ էր առել:
«Քայլարշավի ընթացքում ես, ձեռքի ազդանշան տալով, կանգնեցնելու եմ անցնող մեքենաներն ու ողջունելու եմ Արցախ մուտք գործողներին. նրանց բաժանելու եմ անգլերեն, հայերեն և ռուսերեն լեզուներով Արցախի մասին 10 էջանոց բրոշյուրներ: Քայլարշավի ժամանակ ես հագնելու եմ իմ «Բարի գալուստ Արցախ» մակագրությամբ շապիկը»,- ասել է Ջ. Անջարգոլյանը և հավելել, որ եթե կարողանա նմանատիպ ակցիաներով ամեն տարի գոնե 10 զբոսաշրջիկ բերել Արցախ, ուրեմն՝ Արցախի ճանաչման, զարգացման ու կայացման գործում իր ավանդը կունենա:
Ավելին՝ այստեղ
