Վ. Գերավետյանը վարկաբեկիչ է համարում մեղադրանքը հափշտակության մասին
«Սասնա ծռեր» խմբի անդամ Վարդան Գերավետյանը անհեթեթ եւ վարկաբակիչ է համարում իրեն հափշտակության հոդված առաջադրելը: Այս մասին «Ա1+»-ին հայտնեց նրա պաշտպան Դավիթ Գյուրջյանը: Դատախազը հաստատված է համարել, որ Վարդան Գերավետյանը կազմակերպված խմբի կազմում «Ակբա Կրեդիտ Ագրիկոլ Բանկ» ՓԲ ընկերության բանկոմատից կատարել է առանձնապես խոշոր չափերով՝ 14.808.000 ՀՀ դրամի գաղտնի հափշտակություն: Ինչպես նաեւ նախորդ տարվա հուլիսի 17-ին կազմակերպված խմբի կազմում ապօրինի կերպով ձեռք է բերել, պահել, փոխադրել եւ կրել է հրազեն ու ռազմամթերք: Զավթել և պահել է շենքեր, շինություններ և տրանսպորտի միջոցներ՝ զուգորդված դրանք ոչնչացնելու, վնասելու սպառնալիքով: «Սասնա ծռեր» խմբին միանալու միանալու նախապատրաստության համար մեղադրանք է առաջադրվել նաեւ Մանվել Աթոյանին: «Ակնհայտ ապօրինի մեղադրանք է, որեւէ ապացույց չկա, որ իմ պաշտպանյալը պատրաստվել է միանալ զինված խմբին»,- «Ա1+»-ին ասաց նրա պաշտպան Արա Ղարագյոզյանը: Ըստ մեղադրական եզրակացությամբ՝ խմբի անդամների հետ համակատարմամբ շարունակել պահել զավթածն ու պատանդներին, սակայն հանցագործություններն ավարտին չի հասցրել իր կամքից անկախ հանգամանքներով: «Իսկ ինչ մնում է նրան, որ խմբի անդամների հետ համակատարմամբ շարունակել է պահել պատանդներին, հեքիաթային։ Դատախազության մտացածին մեղադրանք է, դրա վերաբերյալ որեւէ ապացույց չկա»,- ավելացրեց պաշտպանը: Հիշեցնենք, որ «Սասնա ծռեր»-ի 18 անդամների անջատված մասով էլ գործը մակագրվել է Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանին:
