Երևանում կանցկացվի շախմատի համաժամանակյա խաղ՝ հանուն Արցախի

Նոյեմբերի 4-ին Հայաստանի շախմատի ակադեմիայում անցկացվելու են համաժամանակյա խաղաշարեր միջազգային գրոսմայստերներ Սամվել Տեր-Սահակյանի, Հայկ Մարտիրոսյանի, Մանուէլ Պետրոսյանի և Տիգրան Հարությունյանի հետ։​ Այդ մասին տեղեկացնում է Հայաստանի շախմատի ֆեդերացիայի մամուլի ծառայությունը։

Խաղերը կանցկացվեն ակադեմիայի բակում: Առաջին 40 մասնակիցները խաղալու են 11։00-ին, երկրորդ 40-ը՝ 13։00-ին, երրորդ 40-ը՝ 15։00-ին։ ​Ժամակարգը՝ 60 րոպե գրոսմայստերներին, 40 րոպե՝ մասնակիցներին։​

Խաղաշարերին մասնակցել կարող են դրամական հանգանակություն կատարող անձինք: Հավաքված ամբողջ գումարը կկրկնապատկվի և կփոխանցվի «Հայաստան» համահայկական  և Զինծառայողների ապահովագրության հիմնադրամներին:

Նշենք, որ վերջերս նմանատիպ խաղաշար էր անցկացրել Հայաստանի կանանց շախմատի գործող չեմպիոն Մարիա Գևորգյանը։