A
A
Հունվարի 14-15-ին փրկարարներն արգելափակումից դուրս են բերել 92 ավտոմեքենա
Աջակցիր «Ա1+»-ինՀունվարի 14-ից 15-ը ԱԻՆ ՓԾ ճգնաժամային կառավարման ազգային կենտրոնում 37 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Երևանում, Վայոց ձորի մարզի Ջերմուկ, Լոռու մարզի Սպիտակ, Սյունիքի մարզի Գորիս, Քաջարան, Կապան, Կոտայքի մարզի Չարենցավան, Հրազդան, Աբովյան և Ծաղկաձոր քաղաքներում, Քաղսի գյուղում, Շիրակի մարզի Ախուրյան, Հովունի, Ամասի, Արագածոտնի մարզի Շենավան գյուղերում, Ապարան-Լուսագյուղ, Ապարան-Սարալանջ, Հարթավան-Երնջատափ, Քուչակ-Ծաղկաշեն և Գյումրի-Վանաձոր, Ձորաղբյուր-Զովք ավտոճանապարհներին:
Դեպքի վայր ժամանած փրկարարներն արգելափակումից դուրս են բերել 92 ավտոմեքենա և 108 քաղաքացու ցուցաբերել համապատասխան օգնություն։
