A
A
«Merсedes-Benz» մակնիշի ավտոմեքենան դուրս է եկել ճանապարհի երթևեկելի հատվածից և բախվել ծառին
Աջակցիր «Ա1+»-ինՀունվարի 31-ին, ժամը 22:42-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Դիմաց թաղամասի մոտակայքում տեղի է ունեցել ՃՏՊ. կա տուժած: Հայտնում է ՀՀ ԱԻՆ-ը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Աղայան փողոցի թիվ 59/3 հասցեի մոտակայքում «Merсedes-Benz» մակնիշի ավտոմեքենան (վարորդ՝ Կ. Բ.) դուրս է եկել ճանապարհի երթևեկելի հատվածից և բախվել ծառին։
Փրկարարները հոսանքազրկել են ավտոմեքենան, փակել գազի բալոնի փականը, վարորդին դուրս բերել ավտոմեքենայից և մոտեցրել շտապօգնության ավտոմեքենային։
