Այսօր, Կինոյի տանը, կսպասենք

Հարգելի բարեկամ,

Ապրիլի 11-ին՝ ժամը 19:00-ին, Կինոյի տանը, սիրով հրավիրում ենք Ձեզ նշելու կոմպոզիտոր Մարտին Վարդազարյանի 87-ամյակը։ Երեկոյի ընթացքում՝

• Դիտելու ենք Մարտին Վարդազարյանին նվիրված ֆիլմը,

• Ճանաչելու նրա կյանքն ու ստեղծագործությունը,

• Ձեռք բերելու նոր տպավորություններ և հիշողություններ։

Մուտքն ազատ է։

Մարտին Վարդազարյան․ Քաղաքի սրտում, մեր կողքին

Յուրաքանչյուր քաղաք ունի իր հպարտությունը՝ ճարտարապետությունը, հուշարձանները, մարդիկ։ Ոմանք դառնում են քաղաքի խորհրդանիշը՝ ձուլվելով նրա ներդաշնակության մեջ և դառնալով մեր առօրյայի անբաժանելի մասը։ Մենք անցնում ենք նրանց կողքով, երբեմն չնկատելով, բայց հանկարծ մեզ ավելի ջերմ ու հարմարավետ է թվում այս մեծ քաղաքում։

«Ա1+» հեռուստաընկերությունը պատրաստել է ֆիլմ-դիմանկար՝ նվիրված Երևանի պատվավոր քաղաքացի, կոմպոզիտոր, արվեստի վաստակավոր գործիչ Մարտին Վարդազարյանին։

Մարտին Վարդազարյանը՝ մեզ համար պարզապես Բուլիկը, այն մարդն է, որին ճանաչում են բոլորը։ Նա հնչում է մեր քաղաքում, մեր հիշողություններում, մեր երաժշտության մեջ։

Հուսով ենք՝ կվայելեք մեր հետ միասին այս հատուկ երեկոն։

Հարգանքով՝
«Ա1+» հեռուստաընկերություն