Լևոն Արոնյանը հաղթեց Կարուանային և գլխավորեց աղյուսակը․ Altibox Norway Chess.
Աջակցիր «Ա1+»-ինՆորվեգական Ստավանեգր քաղաքում ընթացող Altibox Norway Chess շախմատի միջազգային մրցաշարում կայացան 5-րդ տուրի պարտիաները:
Հայաստանի առաջատար շախմատիստ Լևոն Արոնյանը սևերով հանդիպեց աշխարհի փոխչեմպիոն Ֆաբիանո Կարուանայի հետ: Բավական հետաքրքիր պայքարում անցած պարտիան ավարտվեց 52-րդ քայլին՝ մեր գրոսմայստերի հաղթանակով:
Լևոն Արոնյանը վաստակեց 11 միավոր (հաղթանակի համար շնորհվում է 3 միավոր) և շրջանցեց առաջատար Մագնուս Կառլսենին, քանի որ աշխարհի չեմպիոնն այս տուրում պարտվեց մրցաշարի ետնապահ, լեհ Յան-Քշիշտոֆ Դուդային: Մրցաշարային աղյուսակի 2-րդ հորիզոնական բարձրացավ իրանցի Ալիռեզա Ֆիրուջան, ով պարտության մատնեց նորվեգացի Արիան Տարիին և վաստակած միավորների քանակը հասցրեց 10-ի: Այդպիսով, Լևոն Արոնյանը դարձավ մրցաշարի առաջին շրջանի հաղթող:
Վաղը կմեկնարկի երկրորդ շրջանը: Մեր շախմատիստը դարձյալ կհանդիպի Ֆաբիանո Կարուանայի հետ, սակայն այս անգամ սպիտակ խաղաքարերով:
