ԱՄՆ-ն դադարեցնում է ռազմավարական գործընկերությունը Վրաստանի հետ
Աջակցիր «Ա1+»-ինԱՄՆ Պետդեպարտամենտը հայտարարել է Վրաստանի հետ ռազմավարական գործընկերության դադարեցման մասին։
Պետդեպի խոսնակ Մեթյու Միլլերի հայտարարության մեջ նշվում է, որ «Վրացական երազանքի» տարբեր հակաժողովրդավարական գործողությունները խախտել են ԱՄՆ-Վրաստան ռազմավարական գործընկերության հիմնական սկզբունքները, որոնք հիմնված են ընդհանուր արժեքների և ժողովրդավարության, օրենքի գերակայության, քաղաքացիական հասարակության, մարդու իրավունքների և հիմնարար ազատությունների նկատմամբ հարգանքի վրա:
Վաշինգտոնը դատապարտում է ոստիկանության կողմից ուժի չափից ավելի կիրառումը վրացիների նկատմամբ, ովքեր, ինչպես նշել է Միլլերը, ձգտում են օգտվել հավաքների և արտահայտվելու իրենց իրավունքներից, ներառյալ խաղաղ բողոքի ցույցերի ազատությունը:
«Կոչ ենք անում բոլոր կողմերին ապահովել բողոքի ակցիաների խաղաղ բնույթը», - նշել է նա։
