A
A
«Գարունդ հայերեն է գալու»
Նյու-Յորքի Համազգային հայ կրթական և մշակութային միության նախաձեռնությամբ` հայ կենտրոնում տեղի ունեցավ ասմունքի երեկո:
Ելույթ ունեցավ ՀՀ վաստակավոր արտիստուհի Սիլվա Յուզբաշյանը: Սիրելի արտիստուհուն ներկայացրեց ամերիկահայ ճանաչված գրող-դրամատուրգ Հրանտ Մարգարյանը:
Երեկոյին արտիստուհին ներկայացրեց «Գարունդ հայերեն է գալու» բանաստեղծությունների ծաղկեփունջը, որտեղ ընդգրկված էին հայ անվանի բանաստեղծներ Համո Սահյանի և Վահագն Դավթյանի ստեղծագործությունները: Նրա կատարողական բարձր արվեստը հանդիսականների կողմից մեծ ոգևորությամբ ընդունվեց:
Նույն ծրագրով Սիլվա Յուզբաշյանը հանդես կգա նաև Ֆիլադելֆիայում և Բոստոնում:
Ռոբերտ Կարապետյան
Նյու-Յորք
Լուսանկարը` հեղինակի
